الوداااع

الوداع اللي انكتب لي به رضيت=وليت يكتب لي اشوفك واسمعك

في وداعك لارغبت ولابغيت=وفي وداعك كنت مقدر امنعك

وكنت الومك يوم بالفرقا نويت=لين هلّت عبرةٍ من مدمعك

وقمت تشكي لي وانا منك اشتكيت=وأثر موجعني هو اللي موجعك

وكنت ابنهي عهد حبك وابتديت=وكنت ابملى منك عيني واشبعك

ويوم وادعتك تعديت ومشيت=قام قلبي يرتجف ماودعك

والله اني ياحبيبي لودريت =كان اضمك لين ننهيها معك

ووالله اني في حياتي مابكيت=لين راحت من يدّي اصابعك

وقمت اصفق بين علّ وبين ليت=ليت الآقي شي يقدر يرْجعك

ورحت أدور ياحبيبي مالقيت=غير قلبٍ يرتجف ماودعك