زاد الولع فيني

يا شوق زاد الولع فيني = أشعلت في بعدكم بركان

كل ليل وطيفك ايجيني = بالحلم ويردني زعلان

عندك خبر يا نظر عيني = أني لكم دايم(ن) ولهان

ما غير طيفك يسليني = يفرح به الخاطر العمسان

همسك منعته يواسيني = تركتني عقبكم حيران

يازين ما عَنك يغنيني = كثر الحكي دونكم نقصان

أهديت لك وانت ناسيني = قلب(ن) ملا بحبكم وديان

إرفق بحب(ن) له اسنيني = ما طاوع الغير في عصيان

ليت الْحّبيب لي يليني = يغفر خطا زلة(ن) بلسان

وش عذركم يوم تكفيني = دام الندم منّنا لك بان

عندي خبر يا مِعَنّيني = قدرك رفيع و عالي الشان

ما ابيك في الجيه تهيني = نفسك ولا من غرامك صان