كــل ابـوها كــلـمـتيــن

لعنبـوا قصة غرام كل ابوها كلمتين

ابتدينا عند احبك وانتهينا عند باي

تونا مامشينا في الهوى لو خطوتين

وانتهى الموضوع كله مااعرف وش خطاي

وانتهت قصة حياتي وبكل سهوله تحكمين

وين احبك ؟ وين اريدك؟ وين ساكن في حشاي؟

يمكن انـك ماوفيتي يوم جيتي تعشقين

ويمــكن انك تحسبيني بتبعك من دون راي

ويمكن انك ماعشقتي بس كنتي تلعبين

ويمكن انك ماوصلتي في هواك لمتسواي

ويمكن اني ماعرفتك في الحقيقه وش تبين

ويمكن اني خنت نفسي يوم اعطيتك وفاي

علميني في الهوى ياجاهله وش تعرفين

تعرفين انـك غذيتي (شي ) يجري في دماي

علميني في العطاء والتضحيه وش تفهمين

لعنبوا حبك .عشانك بعت اقرب اقرباي

كنت احطك في عيوني تسرحيـن وتمرحيـن

كنت اشيل هموم قلبك وارمي همومـي وراي

كنت اطير من السعاده يوم اشوفك تضحكيـن

كنت ذايب في هواااك مثل سكر وسـط مـااي

كنت نايم فالعسل وارسم مـن الفرحـه سنيـن

كنت اظنك قلب عاشق ما سكن وسطه سـواي

ماوعيت إلا وإنتـي في خفوقـي تطعنيـن

ماوعيت االاوسيفـك بالحشا رايـح وجـااي

وردة ايه والله ورده بـس عرفتـي تجرحيـن

كل شي فينـي جريـح الا فخامـة كبريـاي

ماتأثـرت بغيابـك ويـش يعنـي دمعتيـن

بكره انسى صدقيني وارجـع بكامـل قـواي

أدري إن احنا افترقنـا بـس بفهـم حاجتيـن

علميني وش كسبتي؟ علمينـي وش خطـاي؟

أصلاً الموضـوع كلـه مـا تعـدى كلمتيـن

التقينا عند (احبك) وافترقنـا عنـد ( بـاي)