حط جرحك وسط جرحي واستريح ...

يفز قلبي كل ماأجيب طاريه
فزة يتيم شاف من تشبه امه
تذكر امه يوم كانت تناديه
وحس بجفاها يوم عيت تضمه
مرت سنه من موتها من يراعيه
والدمع ماتقدر كفوف تلمه



لو بغيت أصد عنك ماقويت
وان بغيت افارقك قلبي خفق
من يقول اني على هجرك نويت
قله ان قلبي بحبك محترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق


من يقول اني بنسيانك نويت
وان تناسيتك يذكرني التعب
مستحيل انساك لو حتى قويت
وان قويت انساك نسيانك صعب
في دقايق غيبتك ياما بكيت
ياما لعيونك تجاهلك العجب
كنت ادور فيك عيب مالقيت
وان لقيت العيب يعجبني عجب


الشاهد الله بدونك ضايق صدري يفز قلبي لاجابك الطاري
أنا ذبحني غيابك وأنت ماتدري*قلبيك بعيد وعيونك تسكن أفكاري
أسوق عمري غلا يوم الغلا مشري
أبيع كل البشر وأصير لك شاري


اشتقت لأيامك وجيت أنشد الوقت
وين الحبيب وضحكته وأمسياته
ليته يوسع خاطري لاتضايقت
مثل الكفيف ان قربوا له عصاته
ماهو زعل لاشفت وجهه ودنقت
العين تخفي في نظرها غلاته


تذكر صاحبك وأرجع تقرب له ولو بالصوت
على اخر نفس واقف تجي والا يجيه الموت
وأشوف الموت أحرص منك وأشوف انك تبي موته
واخاف انك بعد موته
تحن وتفتح التابوت
واخاف من القهر يقفل بوجهك باب التابوت


أبي تلمس دفى شوقي وبرد الليل بعروقي
وأبي لحظة تحس إني أمووت حزن بغيابك


لاكتبت اسمك تزينت لي الحروف
ولانطقته صار في لساني حلا
صدق انا احبك ولكن فيني خوف!
خوف نتفارق بعد ذاك الغلا
لاتقابلنا يسكنا العضو انثويوف
ضاعت الكلمات مني ياغلا
كانت الكلمات في لساني ألوف
ويوم شفتك ماذكرت الا هلا



أخطيت يوم اني طلبتك حنانك لاصرت فاقد شي وشلون تعطيه
مهما نطق لي بالمشاعر لسانك
شي بدون احساس ماأقتنع فيه
احساسك المصنوع خنته وخانك
جاملتني به وانت تجهل معانيه
مني نصيحة تنفعك في زمانك
الا شعورك لاتبيعه ولا تشريه



حط جرحك وسط قلبي واستريح
وارمي همومك علي وخلها
خل واحد مننا يصبح جريح
وواحد يعيش الحياة ويفلها
هوصحيح بتكثر جروحي صحيح لكن جروحك من اللي يملها
حافظك وسط عيني مايطيح
أصلا لاطحت عيني<<من لها؟>>